Танымал абайтанушы Омар Жәлелдің екінші әйелі бұрынғы жұбайына қатысты бұрын айтылмаған деректерді жариялады, деп хабарлайды "Адырна" ұлттық порталы Ozgeris.info-ға сілтеп.
Ол ютуб арнаға берген сұхбатында бұрынғы күйеуімен ара-қатынасы туралы айтқан.
Омар Жәлелдің екінші жары өзінің алғашқы жүктілігі кезінде жұбайының бірінші әйелімен арасындағы қарым-қатынасы ушыға түскенін айтады.
«Жүкті екенімді қабылдамай, түрлі құжат талап етті, балаға күмән келтірді. Кейін үшінші әйел алатынын айтты. Сол кезде іштегі балам алты айлық еді. Тіпті босанған соң баланы алып, бәйбішеге беретінін де жеткізді», – дейді екінші әйел.
Ол бұл ұсынысқа көрсеткен қарсылығын айтып, кейін Омар Жәлел үшінші әйел алғанын бір ай өткен соң ғана білгенін жеткізді.
«Менің тағдырыммен ойнады. Менен кейін тағы екі әйел алды. Бала туғызып алып, кейін қуып жіберді», – дейді екінші әйел.
Әйел адам отбасы ішіндегі дауға қатысты сотқа жүгінетінін мәлімдеген.
