Катарда үстел теннисінен Азия чемпионаты басталды, деп хабарлайды "Адырна" сайты.
Қазақстандық екі құрама да іріктеу ойындарынан сәтті өтті. Өз тобындағы ерлер құрамасы Иракпен негізгі матчты құрғақ есепте жеңіспен аяқтады - 3: 0, деп хабарлайды olympic.kz. Содан кейін олар Мальдив аралдарының спортшыларын 3: 1 есебімен ұтты. Иорданиямен болған соңғы кездесуде де қиындықтар болған жоқ, есеп - 3: 0.
Жігіттердің қарқынын қыздар да қайталады. Қазақстандық теннисші арулар Бангладеш пен Шри -Ланка өкілдерінен мықты болды. Екі кездесу де 3: 0 есебімен аяқталды.
Бұл жетістік қазақстандық кіші ракетка шеберлеріне турнирдің негізгі ұтыс ойынына шығуға мүмкіндік берді.
"Адырна" ұлттық порталы
Новости по теме
