«Екібастұз МАЭС-2» АҚ-ны тексеру барысында 1 миллиард теңге ұрланғаны анықталды. Бұл жайлы Павлодар облысының прокуратурасы айтты, деп хабарлайды «Адырна» тілшісі.
«Павлодар облысының прокуратурасы «Екібастұз МАЭС-2» АҚ-ны тексеру барысында 3-ші энергоблокты орнатумен жылу электр станциясын кеңейтуге және реконструкциялауға арналған қаражатты ысырап ету фактілерін анықтады. Расталмаған жұмыстардың көлемі шамамен 1 млрд теңгені құрады»,- делінген хабарламада
Қылмыстық кодекстің 189-бабы (аса ірі мөлшерде мүлікті жымқыру) бойынша сотқа дейінгі тергеу басталды. Оның аясында қылмыстың барлық мән-жайы, залалдың түпкілікті сомасы және оған қатысы бар адамдар тобы анықталады.
