Басты бет » Новости » Алматы полициясы айтыскер Ринат Зайытов жайлы түсініктеме берді

Алматы полициясы айтыскер Ринат Зайытов жайлы түсініктеме берді

Полиция департаменті Facebook парақшасында жариялаған хабарламасындадүйсенбі күні кешке қарай Алатау ауданында рұқсат етілмеген митингіден ұсталып, полицияға жеткізілген Ринат Зайытовпен түсіндіру жұмысын жүргізгеннен кейін оны үйіне қоя бергенін айтады.

“Арада біраз уақыт өткенде полиция департаментінің алдына бір топ адам жиналып, Ринат Зайытовпен кездесуді талап етті. Оларға Зайытовтың үйіне кеткені айтылғанымен жиналғандар тарауға асықпады” делінген хабарламада.

Полицияның айтуынша, билік органдарының сұрауымен Ринат Зайытов өзімен кездесуді талап етіп жиналған азаматтарға жолығып, “заңды бұзбауға және құқық қорғау органдарының заңды талабын орындауға” шақырған.

Ринат Зайытов дүйсенбі күні сағат 23:00 шамасында полиция департаменті маңына өзін қолдап жиналғандармен кездесіп, олардың тарауын өтінгеннен кейін көлігіне отырып кетіп қалғаны туралы Азаттық хабарлаған.

Арада біраз уақыт өткенде Алматыда полиция Төле би көшесінің бойында ондаған адамды ұстағаны туралы ақпарат тарады. ҚазТАГ агенттігінің хабарлауынша, “Алға, Ринат!”, “Жаса, Қазақстан!” деп айғайлаған адамдар мінген ондаған автокөлік коллоннасын полиция мен арнайы жасақ қуып жетіп, тоқтатқан. Кейін полиция мен Ұлттық ұлан сарбаздары “Сайран” автовокзалы маңында адамдарды ұстай бастаған.

Алматы қалалық полиция департаменті әзірге бұл оқиға туралы түсініктеме берген жоқ.

10 маусымда Алматыда кешкі сағат 18.00 шамасында Бауыржан Момышұлы – Тұрар Рысқұлов көшелері қиылысындағы Алатау театры маңына бір топ адам жексенбі күні елде өткен кезектен тыс президент сайлауының ресми алдын ала қорытындысына наразылық білдірген. Полиция ол жерден ұстап әкеткен ондаған азаматтың арасында айтыскер Ринат Зайытов та болған.​

“Азаттық” радиосы

 

Пікір жазу

Почта жарияланбайды. Таңдаулы өрісті толтырыңыз *

*

x

Check Also

Байбек забирает в Nur Otan управленцев из Алматы

Вслед за бывшим акимом южной столицы в Нур-Султан перебираются и другие чиновники. Об этом в ...