Моңғолияның министрлер кабинетінің кезекті отырысында Ұлы Моңғол империясының құрылғанына 820 жыл толуына орай өтетін салтанатты іс-шараларды ұйымдастыру және үйлестіру үшін арнайы жұмыс тобы бекітілді. Бұл бастама тарихи мұраны жаңғыртуға, ұлттық бірегейлікті нығайтуға және елдің мәдени құндылықтарын кеңінен танытуға бағытталған, деп хабарлайды “Адырна” порталы Мontsame сайтына сілтеп.
Жұмыс тобының негізгі міндеттері қатарында Ұлы Моңғол империясының бай тарихын халық арасында кеңінен насихаттау, барлық жас санаттарына арналған тақырыптық мәдени-ағартушылық іс-шараларды ұйымдастыру, мерейтой идеяларын Ұлттық «Наадам» мерекесінің бағдарламасына енгізу, сондай-ақ империяның тарихы мен мәдениетін шетелде дипломатиялық миссиялар арқылы ілгерілету көзделген.
Аталған жұмыс тобына Моңғолия Премьер-министрінің орынбасары, «Наадам» ұлттық мерекесінің Ұйымдастыру комитетінің төрағасы Хассуурийн Ганхуяг жетекшілік етеді. Оның құрамына Мемлекеттік Ұлы Хуралдың өкілдері, Үкімет мүшелері, министрліктер мен ведомстволардың, сондай-ақ басқа да мемлекеттік ұйымдардың басшылары енген.
Бұл мерейтойлық іс-шаралар Ұлы Моңғол империясының әлем тарихындағы орнын айқындап қана қоймай, жас ұрпаққа тарихи сананы қалыптастыруға және халықаралық деңгейде елдің мәдени беделін арттыруға ықпал етеді.
