14 сәуір «Көркем Ой» Академиясының ұйымдастыруымен П.Чайковский атындағы Алматы музыкалық колледжінде дарынды балалар мен жастарға арналған «DARA FEST –2018» фестивалі өтеді.
Байқаудың мақсаты – дарынды балалар мен жалынды жастардың басын қосып, өнерлерін сынға салу, қабілеттерін шыңдау.
Фестиваль номинациялары: эстрадалық вокал, театр, көркем сөз оқу, қысқа метражды фильм, хореография, дизайнер, аспаптар. Байқауға 4 жастан 25 жасқа дейінгі өнерпаздар қатыса алады. Фестиваль жеңімпазы «Қазақстан» ҰТА «Таңшолпан» бағдарламасына қонаққа шақырылады.
Үміткерлерді тіркеу сәуір айының 8 жұлдызына дейін жүргізіледі. Қатысушылар байқау жұмыстарын CD таспа немесе флешкаға жазып өткізе алады. Сондай-ақ dara-fest2017@mail.ru почтасына жіберулеріне болады.
Қатысушылардың байқау кезінде көрсеткен өнерлеріне қарай әділ баға беріледі. Әділ-қазылар шешімі түпкілікті және қайта қарауға жатпайды.
Мөлдір БЕКЖАН
