Бүгін – КСРО туының түсірілгеніне 30 жыл, деп хабарлайды «Адырна» тілшісі.
1991 жылы 8 желтоқсанда Беловеж тоғайында КСРО-ның үш құрылтайшы республикаларының басшылары Борис Ельцин (Ресей), Леонид Кравчук (Украина) және Станислав Шушкевич (Беларусь) келісімге қол қойды. Онда олар Кеңестік Социалистік Республикалар Одағының жұмысын тоқтататынын мәлімдеді.
Құжатта: «КСРО халықаралық саяси құқық субъектісі және геосаяси шындық ретінде өзінің өмір сүруін тоқтатты», — деп жазылды.
12 желтоқсанда бұл келісімді РСФСР Жоғарғы Кеңесі ратификациялады, сол күні 1922 жылғы КСРО құру туралы шарттың күшін жою туралы қаулы қабылданды. Бірақ Кеңес Одағының толықтай құлау күні болып 25 желтоқсан есептеледі.
