Алматы қаласының бас санитарлық дәрігері және ҚР ДСМ КСК санитарлық-эпидемиологиялық бақылау департаментінің басшысы Жандарбек Бекшин зейнетке шығуына байланысты 5 қаңтардан бастап қызметінен кетеді, деп хабарлайды «Адырна» тілшісі orda.kz-ке сілтеме жасап.
Ақпаратты Алматы санитарлық-эпидемиологиялық бақылау департаменті растады.
«Менің келісімшартым аяқталды. «Мемлекеттік қызмет туралы» заңға сәйкес, зейнеткерлерге жұмысты бір жылға ұзартуға болады, ал маған екінші рет ұзартылды, әрі қарай мүмкін емес. Мен қаңтарда кетемін, – деді Жандарбек Бекшин.
Айта кетейік, Алматы қаласының бас санитарлық дәрігері және санитарлық-эпидемиологиялық бақылау департаментінің басшысы қызметін Қарлығаш Әбдіжаббарова атқармақ.
«Адырна» ұлттық порталы
