Нұр-Сұлтанда ресейлік тауарлардың алғашқы супермаркеті ашылды. Оған «Матрешка» атауы берілген, деп хабарлайды «Адырна» тілшісі.
Салтанатты іс-шараға Ресей елшісі Алексей Бородавкин мен Ресей Федерациясының Сауда өкілі Андрей Бабко қатысты.
«Әмбебаптықтың, ассортимент байлығының, тауарлардың сапасының арқасында бұл супермаркет елорда тұрғындары арасында үлкен жетістікке жетеді деп сенемін»,- деді Бородавкин ашылу салтанатында.
Оның айтуынша, дүкенде Ресейдің 31 аймағынан тауарлар ұсынылған.
«Қазақстандықтардың сүйікті ет өнімдері, ірімшіктер, кофе, шай және тәттілер бар. Супермаркеттің Жаңа жыл мен Рождество қарсаңында ашылғаны маңызды, мұнда барлығын мерекелік үстелге сатып алуға болады»,– деді дипломат.
