Арықтаған шенеуніктерге 500 мыңнан: үкімет жаңа эксперимент бастады

1925

Өзбекстанның Ферғана облысында жергілікті билік шенеуніктер арасында салауатты өмір салты мен дұрыс тамақтануды насихаттау мақсатында эксперимент жүргізуге бастамашы болды. Бұл туралы бүгін, 21 желтоқсанда 24.kg ақпарат агенттігі хабарлады.

Ведомствоның мәліметінше, артық салмағы бар мемлекеттік қызметкерлер жоғалтқан әрбір келісі үшін жалақыларына қосымша 500 мың сум (шамамен қазақстандық теңгемен 20 500 тг) алады.

«Бұл Ферғананың тәжірибесі, оны барлық республика бойынша қолдануға болады. Шенеуніктер әр қайсысы бір келіден арықтаса, 500 мың сум алады. Яғни, 5 келіге арықтаған мемлекеттік қызметкер 2,5 миллион сум алады», - деді аймақ басшысы Хайрулло Бозоров.

Хайрулло Бозоров шенеуніктермен қатар қарапайым облыс тұрғындарына да жергілікті емханаларға жазылуды ұсынды.

"Адырна" ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket