Келесі жылдың басында Моңғолияда Шыңғыс хан мұражайы ашылады. Оны салу туралы шешімді ел Үкіметі 2019 жылы қабылдады. Бір жарым жыл ішінде 6000-нан астам ескерткіштер мен артефактілерді сақтауға болатын мұражай ғимараты салынды, деп хабарлайды "Адырна" ұлттық порталы.
Мұражай қызметкерінің айтуынша, бұл тек Шыңғысхан мұражайы ғана емес, сонымен бірге оның есімімен аталған Ұлттық музей.
Сонымен қатар, моңғол шеберлері жасаған жаңа бірегей экспонаттар орналастырылады деген қауесет бар. Мұражайдың жоғарғы жағында биіктігі бес метр алтын жалатылған сұңқар қойылды. Мұражайдың ішінде биіктігі үш метрге жуық таза алтыннан жасалған Шыңғысхан мүсіні орналасады. Алтын мүсінді елдің еңбек сіңірген суретшісі және мүсінші Л. Болд жасаған. Сондай-ақ моңғол шеберлері моңғол империясының ежелгі астанасы Қарақорымды 3D технологиясымен жобалайды.
Мұражай кеңістігіне келетін болсақ, ол Азияда бесінші орында. Шенеуніктер әлемдегі ең үлкен мұражайда қолданылатын қауіпсіздік жүйесі орнатылады дейді.
Сарапшылардың пікірінше, Кореяда 6 миллиард тугрикке (2,1 миллион доллар) тапсырыс берілген мұражайдың әйнек витриналары әлемдегі ең заманауи технологияларды қолдана отырып жасалған мұражайларға арналған автоматты вакуумдық технология болып табылады.
Мұражайдың Шығыс қабырғасында Биндер петроглифтеріне жазылған 1000 — нан астам таңба немесе ежелгі моңғол тайпаларының мөрлері, ал қасбеттің жоғарғы жағында Ұлы Моңғол хаандарының мөрлері орналасқан.
"Адырна" ұлттық порталы
