Қазақстанда автосақтандыру құны төмендеуі мүмкін

450

Қазақстанда автосақтандыру құны төмендеуі мүмкін. Алайда жеңілдік тек кейбір аймақтарға ғана қатысты. Қаржы нарығын реттеу агенттігі Мәжіліске икемді тарифтеуге көшуді ұсынды, деп хабарлайды "Адырна" ұлттық порталы "КТК" арнасына сілтеме жасап. 

“Егер соңғы бес жылдың статистикасын алып қарайтын болсақ, әр өңірде жол-көлік апаттарының саны әртүрлі. Солтүстік Қазақстан облысында 20%, Алматыда 58%, Нұр-Сұлтан қаласында 61%. Егер өңірде апат көрсеткіші аз болса, онда тариф төмен болуы шарт. Біз бұл тетікке көшсек, Қазақстанның көптеген облысында автосақтандыру құны арзандайтын еді. Алматы мен Нұр-Сұлтанда апат көп болғандықтан, тариф құны бұрынғысынша қалады”, – дейді қаржы нарығын реттеу және дамыту агенттігінің төрағасы Мадина Әбілқасымова.

Жол апатынан ауыр жарақат алмаған көлік жүргізушілерінің де өмірі жеңілдей түседі. Сақтандыру ақшасы жеңілдетілген үлгі бойынша қазіргідей екі айдың ішінде емес, бар болғаны 5 күнде төленеді.

Жаңа қызмет қазақстандықтарға 2023 жылдан бастап қолжетімді. Агенттік осы жағдайды дұрыстайтын арнайы мобильді қосымша әзірлеуге дайын. Қосымшаның көмегімен тараптар мәселені полиция қызметкерінсіз, сақтандыру агентінсіз және ең бастысы, сот талқылауынсыз шеше алады.

Жеңілдетілген қызмет үш шартпен жұмыс істейді. Егер жол апатында екі көлік соғылып қалса, соның салдарынан ешкімнің денсаулығына зиян келмесе, шығын көлемі 100 айлық есептік көрсеткіштен аспауы керек.

 

"Адырна" ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket