«АСАР-2» ШАҒЫНАУДАНЫНДА СУ ҚҰБЫРЫ ІСКЕ ҚОСЫЛДЫ

73

Бүгін «Асар-2» шағынауданындағы су құбырын тұрғындар игілігіне пайдалануға берілді. Аталған іс-шараға Шымкент қаласы мәслихатының хатшысы М.Нарымбетов, қалалық мәслихат депутаттары Т.Балтабаев, А.Наимбекова, С.Қуандық, Қаратау ауданы әкімінің орынбасары Қ.Қалдықараев қатысты. Сонымен бірге, елдімекен тұрғындары мен жергілікті БАҚ өкілдері қатысты.

«Асар-2» ш/а ауыз сумен қамтамасыз ету бойынша 156,1 км құрайтын ішкі орамдық жүйелерінің құрылыс жұмыстары 2020 жылдың мамырында басталған болатын. Қазіргі таңда мердігер мекеме «Сарыағаш-Аман» ЖШС тарапынан құрылыс жұмыстары аяқталып, Көмешбұлақ магистралды су құбырына қосылып ауыз су тұрғындарға толық берілді.

«Асар-2» ш/а 2019 жылы басталған электр желілерінің құрылысы қазіргі уақытта толығымен аяқталды. Нәтижесінде, 87,2 км желі, 1 дана РП және 24 дана КТП орнатылды. Сондай-ақ, 220 кв “Бозарық” подстанциясынан жаңадан соғылған 110 кв 1-М-1 подстанциясына қосу жұмыстары жүргізілуде. Электр желілерінің құрылысы «Ремстрой Алматы» ЖШС мердігер мекемесі тарапынан жүргізілді.

2020 жылы мердігер мекеме «Отау Строй» ЖШС тарапынан «Асар-2» ш/а табиғи газбен қамтамасыз ету бойынша 50,4 км құрайтын ішкі орамдық жүйлерінің құрылыс жұмыстары басталып, бүгінде толығымен аяқталды.

Асар-2» ш/а кәріз жүйелерімен қамту мақсатында құрылыс жұмыстары «Монолит – Дизайн - 2030» ЖШС тарапынан жүргізілуде. Құрылыс жұмыстары 2022 жылы аяқталады деп жоспарлануда.

Асар-2 ш/а ағымдағы жылы 19 км жолдарға шағал тас төселінді. 2022 жылы аталған көшелерге асфальт төселінетін болады.

Қазіргі таңда, Қаратау ауданы әкімі аппараты тарапынан Асар-2 ш/а 138 ЖОМ маңында салынып жатқан заманауи спорт алаңшасының құрылысы қараша айының соңында аяқталады. Сонымен қатар, жыл соңына дейін көп салалы балалар ойын алаңшасы да салынатын болады.

Шымкент қаласының Ақпараттық-коммуникациялық орталығы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket