Қарағандылық ұры көліктен 20 млн теңге ұрлаған

1250

Алматыда қарағандылық ұры сканердің көмегімен бөтеннің көлігінен 20 миллион теңге ұрлап кетті, деп хабарлайды «Адырна» тілшісі Polisia.kz-ке сілтеме жасап.

Бұл жолы бұрын мүліктік қылмыс жасағаны үшін сотталған Қарағанды ​​облысының 51 жастағы тұрғыны көзге түсті.

– Бұл қылмыс 28 қазан күні сағат 10:30-да орын алды. Т.есімді азамат Гоголь мен Төлебаев көшелерінің қиылысында тұрған Mercedes көлігінің салонына заңсыз кіріп, сол жерден жасырын түрде 20 миллион теңге ақша ұрлаған. Күдікті Қарағанды ​​облысында ұсталды. Ер адам ұрланған ақшаның бір бөлігін жеке қажеттіліктеріне жұмсағаны анықталды. Қалғаны тәркіленіп, ҚР ҚК-нің 188-бабы 3-бөлігі бойынша Медеу аудандық ПБ тергеп жатқан қылмыстық іс материалдарына қоса тіркелді, – деді Алматы қалалық ПД бастығының орынбасары Берік Әбілбеков.

Оның айтуынша, қаскүнем дабылды сканерлеу арқылы бөтеннің көлігін ашқан. Осы қылмысқа басқа да адамдардың қатыстылығы анықталуда.

«Адырна» ұлттық порталы

Пікірлер
Редакция таңдауы