Атырау облысында бес адам оқ жарақатын алды

1763

30 қазан күні Атырау облысында ауыл тұрғындары арасындағы төбелес болған деп хабарлайды "Адырна" ұлттық порталы "Мой город" порталына сілтеме жасап.

Қазіргі уақытта 36 жастағы ер адамның ауруханада қайтыс болғаны белгілі болды.

- Сағат 19:30 шамасында Атырау-Ақтөбе тас жолының 331-ші шақырымында орналасқан Қызылқоға ауданы Сағыз ауылының маңында төбелес болды. 5 адам оқ жарақатын алды, біреуінің қолы сынған. Соның салдарынан 1985 жылы туған азамат алған жарақатынан Сағыз кентіндегі амбулаторияда көз жұмды, — деп хабарлады Атырау облысы ДПП баспасөз қызметі.

Қазір оқиға орнында облыстық полиция департаментінің жедел-тергеу тобы жұмыс істеп жатыр. Аталған факті бойынша ҚР Қылмыстық кодексінің 99-бабының 2-бөлігі "Адам өлтіру" бойынша сотқа дейінгі тергеу амалдары жүргізілуде.

Полицейлер оқиғаға ауыл тұрғындары арасындағы келіспеушілік себеп болған деп есептейді. Қазір мәліметтер нақтылануда.

 

"Адырна" ұлттық порталы.

Пікірлер
Редакция таңдауы