Нұр-Сұлтанда полиция иті жоғалған 16 жасар қызды тапты

590

Нұр-Сұлтанда полиция иті жоғалған 16 жасар қызды тапты, деп хабарлайды "Адырна" сайты. 

42 жастағы астаналық тұрғын кәмелет жасқа толмаған қызының жоғалып кеткені туралы полицияға жүгінген.

Қызды іздеуге полиция қызметкерлері, сондай -ақ арнайы үйретілген Феликс атты қызметтік иті бар кинологиялық қызметтің қызметкері бағытталған. Ит тінтуге бірден кірісіп, полицейлерді жоғалған қызды жігітімен бірге отырған көлікке алып келді. Қызды анасына тапсырды.

Жасөспірімдер полициясының қызметкерлері қашқынды профилактикалық есепке алды, оның ата -анасымен әңгіме жүргізілді. Белгілі болғандай, қыз бұрын да үйінен кеткен, бірақ көп ұзамай оралған.

"Айта кету керек, ит Феликс жақында қызметке кіргеніне қарамастан, нағыз батырға айналды. Ағымдағы жылдың қыркүйек айының басында полиция иті балалар аттракциондарының жанында жоғалып кеткен екі жасар сәбиді тапты. Бүгінде қызметтік ит үлкен үміттерді ақтап, жақсы дайындалған және кинологтың бұйрықтарын бұлжытпай орындайды",-деп қосты Нұр-Сұлтан қалалық ІІБ баспасөз қызметі.

"Адырна" ұлттық порталы

Пікірлер
Ұқсас жаңалықтар