Желіде танысқан: Жамбылда 12 жастағы қыз зорланды

1131

Жамбыл облысы Меркі ауданында 35 жастағы азаматтың 12 жастағы қызды зорлағаны туралы ақпарат тарады, деп хабарлайды “Адырна” ұлттық порталы Taraznews.kz сайтына сілтеме жасап. 

Күдікті мектеп оқушысымен Instagram әлеуметтік желісінде танысқан.

Жамбыл облыстық полиция департаментінің баспасөз қызметі облыстық балалар ауруханасына Меркі ауылының кәмелетке толмаған тұрғыны жүгінгені туралы хабарлама түскендігін растады.

"Сотқа дейінгі тергеу аясында бірқатар тергеу әрекеттері мен қажетті сараптамалар жүргізілді. Аталған дерекке қатысты Меркі аудандық полиция бөлімі ҚР Қылмыстық кодексінің 120-бабы бойынша сотқа дейінгі тергеу амалдарын бастады. ҚР Қылмыстық іс жүргізу кодексінің 201-бабына сәйкес тергеу мүддесінде істің мән-жайы жария етілмейді", – делінген облыстық ПД жауабында.

Аталған факті бойынша Меркі аудандық полиция бөлімі "Зорлау"қылмыстық бабы бойынша сотқа дейінгі тергеуді бастағанын хабарлады.

"Сотқа дейінгі тергеу аясында бірқатар тергеу әрекеттері мен қажетті сараптамалар жүргізілді. Жедел-іздестіру шаралары жүргізілуде", - деп толықтырды ведомстводан.

”Адырна” ұлттық порталы 

Пікірлер
Ұқсас жаңалықтар