Алкоголь ДНҚ-ға қалай әсер етеді?

2491
Adyrna.kz Telegram

Тұрақты және шамадан тыс алкоголь ішу адамның ДНҚ-ның өзгеруіне әкелуі мүмкін, бұл ішуге деген құмарлықты одан да күшейте алады. Сонымен, адам өзін қоршалған шеңберге тап болғандай сезінеді. Ал одан шығу өте қиын.

Зерттеуші аға оқытушы, профессор Эмип Дипак Саркар: «Біз көп ішетін адамдардың ДНҚ-сынан алкогольге деген құштарлықты анықтадық», - деді. «Бұл маскүнемдіктің неліктен күшті тәуелділікке әкелетінін түсіндіруге, есірткіге тәуелділікті емдеудің немесе алдын алудың жаңа әдістерін жасауға көмектеседі" деді.

Ғалымдар ішу тәртібін бақылауға қатысатын екі генге тоқталды: дененің биологиялық сағатына әсер ететін PER2 және біздің стресске жауап беру жүйесін реттейтін POMC.

Зерттеуге ондаған адам қатысты. Олардың арасында аз ішетіндер, тұрақты тұтынушылар мен алкогольге тәуелділер болды. Бұл топтарды салыстыра отырып, ғалымдар соңғы екеуінде екі ген де алкоголь әсерінен модификация процесі нәтижесінде өзгергенін анықтады, бұл процесс метилизация деп аталады. Сондай -ақ, гендік экспрессияның немесе олардың ақуыз шығару жылдамдығының төмендеуі байқалды. Бұл өзгерістер алкогольді тұтынудың ұлғаюымен күшейеді.

Сонымен қатар, қатысушыларға стресске, бейтарап немесе алкогольдік сусындарға байланысты әр түрлі суреттер көрсетілді, содан кейін сыраны табиғи түрінде көрсетті. Осыдан кейін олардан сусынның дәмін татуды сұрады. Эксперимент барысында олардың оны ішуге деген ынтасының деңгейі бағаланды. Күткендей, алкогольге құмарлық оны жиі тұтынатындардың арасында жоғары болды - олар сыраны көбірек әрі тез ішті.

Дипак Саркар атап өткендей, нәтижелер зерттеушілерге алкогольге тәуелді болу қаупін болжай алатын ақуыздар немесе модификацияланған гендер сияқты биомаркерлерді анықтауға көмектеседі.

Одан өзге ғалымдар анықтаған алкоголь туралы ерекше фактілер: 

Қызыл шарап арықтауға көмектеседі екен. Ал шарап депрессиядан қорғайды. Шампан инсульт қаупін төмендетуге көмектессе, сыра жүрекке пайдалы, дейді ғалымдар.

"Адырна" ұлттық порталы

Пікірлер