Қостанайда жарылыс болды

1089

Қостанайда тұрғын үйлердің бірінде жарылыс болып, екі адам реанимацияға түсті, деп хабарлайды «Адырна» тілшісі «Костанайские новости»-ге сілтеме жасап.

Төтенше жағдай куәгерлерінің айтуынша, үйде жөндеу жұмыстарын жүргізген жұмысшылар зардап шеккен.

«Бұл үйде үш ер адам монтажды көбікпен жұмыс істеді. Бөлмеде газ жиналып қалған. Ер адамдардың бірі жертөлеге түсіп, темекі шеккен. Нәтижесінде жарылыс болды. Білуімізше, барлығы қатты күйік алған, жағдайлары ауыр»,– дейді олар.

Облыстық денсаулық сақтау басқармасының баспасөз хатшысы Ксения Жылқыбаева ТЖ кезінде зардап шеккендер туралы алдын ала ақпарат беріп, зардап шеккендердің қалалық ауруханаға жеткізілгенін мәлімдеді.

«Екі адам реанимацияға түсті. 1983 жылы туған үшінші ер адам қабылдау бөліміне жеткізілді»,– деді Жылқыбаева.

«Адырна» ұлттық порталы

Пікірлер
Редакция таңдауы