2021 жылдың басынан бері 12,5 мыңнан астам адам қандас мәртебесін алды

484

2021 жылғы 1 қыркүйектегі жағдай бойынша 12 501 адам тарихи отанымен табысып, қандас мәртебесін алды, деп хабарлайды "Адырна" ұлттық порталы ҚР ЕХӘҚМ баспасөз қызметіне сілтеме жасап. 

ҚР ЕХӘҚМ мәліметінше, 1991 жылдан бері республикаға 1 миллион 82,8 мың этникалық қазақ оралды.

Осы жылдың басынан Қазақстанға келген қандастардың жартысынан көбі (76,0%) Өзбекстаннан, 9,8% – Қытайдан, 6,8% – Түрікменстаннан, 2,5% – Моңғолиядан және 4,9% басқа елдерден қоныс аударған.

- Келген этникалық қазақтар негізінен Алматы (28,4%), Маңғыстау (19,5%), Түркістан (13,8%) және Жамбыл (8,2%) облыстарына, сондай-ақ Шымкент (10,4%) қаласына қаласына қоныстанды.

- Ағымдағы жылғы 1 қыркүйектегі жағдай бойынша еңбекке қабілетті жастағы этникалық қоныс аударушылар саны 55,2%-ды, еңбекке қабілетті жастан кіші 27,1%-ды және зейнеткерлер 17,6%-ды құрайды, -  делінген ведомство таратқан ақпаратта.

Еңбекке қабілетті жастағы қандастардың ішінен білім деңейі бойынша 11%-ы жоғары білімді, 39,4%-ы орта кәсіби білімді, 45,7%-ы жалпы орта білімді және 3,9%-ның білімі жоқ екені мәлім болды.

"Адырна" ұлттық порталы

 

Пікірлер
Ұқсас жаңалықтар