Жан Кособуцкий америкалық қарсыласын екінші раундта нокаутқа жіберді

1175

Қазақстандық боксшы Жан Кособуцкий Германияның Гамбург қаласында бокстан кезекті жекпе-жегін өткізді деп хабарлайды "Адырна" ұлттық порталы "Sports.kz-ке" сілтеме жасап.

Бұған дейін жеңіліп көрмеген аса ауыр салмақтағы қазақстандық боксшы Жан Кособуцкий WBA International чемпионы белбеуін қорғау үшін «танк» деген лақап аты бар америкалық Джоуи Давейкомен (21-8-4, 12 КО) жұдырықтасқан.

Аса ауыр салмақтағы жекпе-жек 12 раундқа созылуы тиіс болатын. Алайда америкалық соңына дейін шыдай алмады. Қазақстандық екінші раундта қарсыласын нокаутқа жіберген.

Осылайша Жан Кособуцкий кәсіби мансап жолында 16-шы рет жеңіске жетті және екінші деңгейлі WBA атағын сәтті қорғап қалды.

Ал Джоуи Давейко кәсіби рингте осымен 9-шы рет жеңілістің ащы дәмін татты.

 

"Адырна" ұлттық порталы.

Пікірлер
Редакция таңдауы