«Таяқтың екі басы бар». Әсіре сілтеуден сақ болайық

719

Youtube әлеуметтік желісіндегі «Til Maydani онлайн» платформасының жетекшісі Қуат Ахметовтың жұмысы дұрыс-ақ. Қазақ тілінің мәртебесін көтеруге бағытталған игі бастама. Өзге ұлт өкілдері қазақ тілін білуі керек, құрметтеуі тиіс. Бірақ тек радикалды жолмен емес. Біз өзіміз өз тілімізді сыйламасақ, құрметтемесек, өзгелерден қалай соны күтеміз?

Қазақ білімімен, мәдениетімен, өнерімен, өнертапқыштығымен өзгелерді мойындатуы керек. Мысалы, Димаш Құдайберген әлемнің миллиондаған жұртын қазақ тілінде ән салғызды. Біз өркениетті жолмен өзімізді өзгертсек, өзгелер де сонда бізге қарап бой түзейді, тіпті бізге еліктейтін болады.

Қазақcтан енді әлем мойындаған өнерпаз, әншілер ғана емес,  Илон Маск тәрізді өнертапқыш, кәсіпкерлер шығуы керек. Өзіміз соған күш салуымыз керек. Қазақ тілі техниканың, бизнестің, қаржының, білім мен ғылымның тіліне айналуы тиіс.

Қуат Ахметовтың белсенді жұмыстарына Ресей баспасөзі де назар аударыпты.

https://www.mk.ru/politics/2021/08/10/nacionalisty-v-kazakhstane-nachali-presledovat-russkoyazychnykh-grazhdan.html

Ертең Ресей билігі тарапынан да еліміз бен жеріміздің тұтастығына қауіп төнбесіне кім кепіл? "Таяқтың екі ұшы бар". Артық қыламын деп тыртық қылып алмайық. Әсіре сілтеп барымыздан айрылып қалып жүрмейік, ағайын.

"Адырна" ұлттық порталы

Пікірлер
Ұқсас жаңалықтар