Тәжікстан 100 мың ауған босқындарын қабылдамақ

4201
Adyrna.kz Telegram

"Тәжікстан Ауғанстаннан келуің мүмкін 100 мыңға дейін босқындарды қабылдауға дайындалып жатыр. Екі шекаралас облыстың аумағында қажетті қорларды құру үшін қоймалардың құрылысы аяқталуда" деп хабарлайды "Интерфакс" Тәжікстан Төтенше жағдайлар және азаматтық қорғаныс комитеті төрағасының орынбасары Имомали Иброхимзоданың мәлімдемесіне сілтеме жасап.

Оның айтуынша, Ауғанстаннан келуі мүмкін босқындарды Кушонион аймағында және Хорогта тұрмыстық қажеттіліктермен қамтамасыз ету үшін шатырлар, төсек-орын, гигиеналық құралдар, ыдыс-аяқ сақтайтын екі арнайы қойманың құрылысы аяқталуда.

"Біз халықаралық ұйымдармен республиканың ауған босқындарын қабылдау әлеуетін анықтау үшін келіссөздер жүргізіп жатырмыз", - деді Иброхимзода.

Оның айтуынша, шілде айында Тәжікстан өз аумағында күніне 3 рет ыстық тамақпен, медициналық көмекпен, өмір сүруге арналған шатырлармен, төсек жабдықтарымен, ас үй ыдыстарымен ел үкіметі есебінен қамтамасыз етілген 1574 босқынды паналатқан. 

"Адырна" ұлттық порталы

Пікірлер