Дүниежүзілік денсаулық сақтау ұйымының басшысы Тедрос Аданом Гебрейесус COVID-19 ауруын тудыратын SARS-CoV-2 коронавирусы Қытайдың Ухань қаласының зертханасында пайда болды және таралды деген нұсқаны толықтай жоққа шығаруға әзір ерте екенін мәлімдеді деп хабарлайды «Адырна» ұлттық порталы «centralasia.media-ға» сілтеме жасап.
«Мен өзім лаборант болдым, иммунологпын, зертханада жұмыс істедім және мұндай жағдайлар зертханада болатынын білемін. Мұндай жағдай кейде болады», - деді ДДҰ басшысы.
Гебрейесус болған жағдайды тексеру пандемияның таралуына қандай да бір зертханалардың қатысы бар-жоғын анықтау үшін өте маңызды екенін атап өтті.
«Бізге ақпарат қажет, пандемия басталғанға дейін және осы зертханада қандай жағдай болғандығы туралы тікелей ақпарат керек», - деген ол Қытайдың осы мәселені шешу үшін ынтымақтастыққа дайын екендігін атап өтті.
«Егер біз толық ақпарат алсақ, бұл зертхананың пандемияның таралуына қатысы бар деген болжамды жоққа шығара аламыз», - деді ДДҰ басшысы.
Айта кету керек, биылғы жыл басында ДДҰ-ның арнайы тобы пандемияның себептерін зерттеу үшін алғаш коронавирус анықталған Ухань қаласына барған еді. Сол кезде сарапшылар вирустың шығуының төрт нұсқасын қарастырды: адамның жарқанаттардан тікелей инфекция жұқтыруы, ортада басқа да жануардан жұқтыру дерегі, тамақ өнімдері арқылы берілуі және жасанды шығару дерегі, яғни зертханада жасалуы.
Нәтижесінде наурыз айында ұйым өкілдері тергеудің алдын-ала нәтижелерін жариялады. Онда «вирус зертханада жасалды» деген болжам мүлдем шындыққа жанаспайтыны айтылған. Нақты деректер алда белгілі болмақ.
"Адырна" ұлттық порталы.
