Қазақстандық спортшы Жалғас Жұмағұлов (13-5) Лас-Вегас қаласында өткен UFC 264 турнирінде жеңіске жетті деп хабарлайды "Адырна" ұлттық порталы "Vesti.kz-ке" сілтеме жасап.
Отандасымыз америкалық Джером Риверамен (10-5) кездесіп, бірінші раундта қарсыласын қылқындырып тастады. Осылайша Жалғас Жұмағұлов UFC ұйымындағы бірінші жеңісіне қол жеткізді.
Бұл — қазақстандық спортшының аралас жекпе-жектегі 14-ші жеңісі.
Айта кетейік, Жалғас Жұмағұлов UFC ұйымындағы үшінші кездесуін өткізді. Бұған дейін ол осы ұйымдағы бірінші кездесуде бразилиялық Раулиан Пайвадан, кейін швециялық Амир Альбазиден жеңіліп қалған болатын.
"Адырна" ұлттық порталы.
