Ресей Федерациясының халық әртісі, актер, режиссер Владимир Меньшов 5 шілде күні 82 жасқа қараған шағында дүниеден өтті. Бұл жайында «Мосфильм» кинокомпаниясының ресми сайты мәлімдеді. Бұған дейін, 26 маусым күні әйгілі режиссердің COVID-19 дертіне шалдыққаны белгілі болған еді. «Жақын жолдасымызды жоғалттық, барша жақындарына қайғыра көңіл айтамыз»,-дейді «Мосфильм» кинокомпаниясы өз жазбасында.
Меньшов 1939 жылы 17 қыркүйек күні Баку қаласында дүниеге келген. Кино актеры ретінде 120-дан астам рөлді сомдаса, 30-ға жуық фильмге режиссерлік етті. Оның ең тырнақалды туындысы-«Москва слезам не верит» 1981 жылы Оскар жүлдесінде жеңіске жеткен.
Кино майталманын ақтық сапарға аттандыру рәсімі 8 шілде күні Мәскеу қаласында өтпек.
