Тайландтың Бангкок қаласы сыртындағы химиялық зауытта жойқын жарылыс болды. Әзірге 20-ға жуық адамның зардап шеккені белгілі, деп хабарлайды "Адырна" ұлттық порталы.
Bangkok Post газетінің хабарлауынша, жарылыс жергілікті уақыт бойынша 02:50 шамасында болған. Зауыт аумағында алты қойма болған, оларда 50 тонна химиялық заттар сақталған. Жарылыстың артынан өрт бүкіл фабриканы және бір шақырым радиустағы ғимараттарды шарпыды.
Әкімшілік жағынан Самут Пракан провинциясына жататын аймақ Бангкоктағы Суваннапхуми халықаралық әуежайынан бірнеше шақырым жерде орналасқан. Жарылыс толқыны жарылыс орнынан бір шақырым радиустағы үй-жайлардың есіктері мен терезелерінің жақтауларына дейін қиратуға әкеліп соқтырды және химиялық зауыттан екі-екі жарым шақырым радиустағы терезелердегі әйнектер сынды.
Қазір өрт сөндірушілер жалынды бақылауға алды, бірақ ғимараттың үстінен қара түтін бұрқырауда.
Fire factory chemical product Crash In Samut Prakan Near Suvarnaphumi Airport .Bombing At 3am This house approximate Damaged large-scale Officials are working to resolve the situation. #Thailand #ไฟไหม้โรงงานกิ่งแก้ว #Bangkok #explorsion pic.twitter.com/cYmBjWsGB9
— Roselynn M (@Roselynn_Noey) July 5, 2021
"Адырна" ұлттық порталы
