АҚШ-тың "USS Ross" зымыран жойғыш кемесі бүгін Қара теңізге бет алды. Бұл туралы Киевтегі Америка елшілігінің баспасөз қызметі Twitter-де хабарлады.
"USS Ross" американдық зымыран жойғыш кемесі Қара теңізге "Sea Breeze-2021" атты әскери оқу жаттығуларын өткізбекші. Бұл әскери оқу жаттығуларына әлемнің 30-дан астам елі қатысайын деп жатыр делінген хабарламада.
АҚШ әскери-теңіз күштерінің алтыншы флоты жыл сайынғы "Sea Breeze-2021" әскери оқу жаттығуларына Украинаның әскери-теңіз күштерін де тартатынын ресми түрде жариялады. Sea Breeze-2021 әскери оқу жаттығуларына 5 мың әскери қызметші және 32 елден 32 соғыс кемесі қатысады.
Оқу-жаттығу 28 маусым мен 10 шілде аралығында Қара теңізде өтеді.
Бекболат ҚАРЖАН,
"Адырна" ұлттық порталы
