Маңғыстау 5 айдың қорытындысы бойынша өңірлер арасында көш басына шықты

2160
Adyrna.kz Telegram

Бүгін ҚР Үкіметінің отырысында өңірлердің 5 айдағы әлеуметтік экономикалық даму көрсеткіші жарияланды. Маңғыстау облысы өте жақсы көрсеткішке ие болды. Өңдеу, ауылшаруашылығы, құрылыс, тұрғынүй беру, сауда, көлік, жеке инвестиция яғни экономиканың барлық 7 бағыты бойынша оң өсімге қол жеткізді.

- өңдеу өнеркәсібінің көлемі – 104,5% ;

- негізгі капиталға салынған инвестиция – 115,1% ;

- ауыл шаруашылығы өнімінің көлемі – 103% ;

- құрылыс жұмыстарының көлемі – 109,1%;

- тұрғын үйді іске қосу қарқыны – 106,3%;

- сауда – 102,7%;

- көлік және логстика – 108,1% деңгейінде қамтамасыз етіліп, оң өсімге қол жеткізілді.

Жыл басынан бері өңдеу өнеркәсібін дамыту саласындағы өндіріс көлемі 4,5%-ға артып, 63,5 млрд. теңгені құрады. Бұл туралы Маңғыстау облысының әкімі Серікбай Трұмов Орталық коммуникациялар орталығында өткен брифингіде мәлімдеді.

«Облыста минералды тыңайтқыштар, битум және мұнай өнімдерін өндіру көлемі өскен. Мәселен Ақтаудағы «Каспий битум» зауыты 5 айда жалпы елімізде өндірілген жол битумының 48% қамтып отыр», - деді С.Трұмов.

Маңғыстау облысы әкімінің айтуынша, биыл бұл салада жалпы құны – 21,7 млрд. теңге болатын 8 жаңа жоба іске асырылуда. Нәтижесінде жаңадан 200-ден астам жұмыс орнын құру жоспарланып отыр.

"Адырна" ұлттық порталы

Пікірлер