Екі пойыз соқтығысып, 36 адам қаза тапты (видео)

1961

Пәкістан аумағында екі пойыз соқтығысты. Төтенше жағдай салдарынан 36 адам қаза тауып, 50-ден астам адам жарақат алған, деп хабарлайды «Адырна» тілшісі.

Қайғылы оқиға Синд провинциясында болды. Алдын ала болжам бойынша, экспресс пойыздардың бірі рельстен шығып, басқа пойызға соғылған. Жергілікті теміржол өкілдері апат салдарынан төрт вагонның рельстен шығып кеткенін айтты.

Апат болған Готка ауданы комиссарының орынбасары Усман Абдулланың айтуынша, соқтығысу нәтижесінде шамамен 14 вагон аударылып кеткен.

«Алты-сегіз вагон толығымен жойылды", - деді ол.

Куәгерлер өз кезегінде пойыз жолаушыларының көпшілігі соқтығысу кезінде ұйықтап жатқанын атап өтті.

«Адырна» ұлттық порталы

Пікірлер
Редакция таңдауы