БҰҰ Балалар қорының (ЮНИСЕФ) Қазақстандағы өкілі Артур ван Дизен үкімет отырысында қыркүйек айында барлық оқушының мектепке барып оқуы керектігін айтты, деп хабарлайды «Адырна» ұлттық порталы.
«ЮНИСЕФ санитарлық-эпидемиологиялық талаптарды сақтай отырып, жаңа оқу жылында бүкіл мектепті ашуға кеңес береді. Мектептер ең соңғы болып жабылып, ең бірінші болып ашылуы тиіс. Пандемия кезінде мектептердің жабылуы салдарынан әлемде әрбір үшінші оқушы немесе 463 миллион бала қашықтан білім ала алмады. Олардың қатарында қазақстандық оқушылар да бар», - деді ол.
Дизен білім министрлігінің осы салдарды жою үшін шұғыл шара қабылдау қажеттігін мойындағанын айтып өтті.
"Адырна" ұлттық порталы
