Мектептерді ашу үшін мұғалімдерді вакцинациялау қарқынды түрде жүріп жатыр, деп хабарлайды "Адырна" ұлттық порталы.
Мексика билігінің хабарлауы бойынша, алдағы үш айда 3 миллионға жуық ұстазға вакцина егілуі тиіс. Бұл жоспарды орындау үшін арнайы екпе салатын бөлек орындар ашылған. Діттеген мақсатқа қол жеткізу үшін Мексиканың денсаулық сақтау министрілігі қытайлық CanSino препаратын таңдаған. Айырмашылығы, екпенің 1 ғана дозасы егіледі екен. Сапалы білім алу үшін мектептер ашылуы керек. Ал мектепті ашу үшін барлығы вакцина алуы тиіс.
"Мексика президенті Андрес Мануэль Лопес Обрадор: "Оқушылардың барлығы партаға қайта отыру керек. Мектептердегі оқу үрдісін жандандыруымыз қажет. Бұл балаларымыздың болашағы үшін өте маңызды", – деді.
