Университеттер арасында алғашқы болып елордалық ЖОО «Ashyq» жобасын қолдады

1715

Бүгіннен бастап университетке келушілер вирус жұқтыру статусына байланысты қызыл, сары, көк және жасыл түстерге «бөлініп», QR-код арқылы кіргізілуде. COVID-19-ға ПТР-тест тапсырып, нәтижесі оң болған азаматтар («қызыл статус»), сондай-ақ вирус жұқтырғандармен байланыста болғандар («сары статус») университетке кіре алмайды. Бұл туралы М.С. Нәрікбаев атындағы КАZGUU Университетінің Провосты (ректор) Сергей Пен айтты.

         «Шектеулермен өмір сүріп жатқанымызға бір жылдан асты. «Ashyq» мобильді қосымшасын негізсіз сынап жатқандармен келіспеймін. Біз  студенттеріміздің, оқытушыларымыздың және қызметкерлеріміздің денсаулығы үшін жауапкершілікті сезінгендіктен «Ashyq» жобасын қолдап отырмыз.  Санитариялық-эпидемиологиялық бақылау департаменті келушілердің статусы туралы нақты ақпаратты қосымшаға жүктеп отыр. Осылайша қауіпті барынша азайтуға мүмкіндігіміз бар»,- дейді университет басшылығы.

КАZGUU Университеті - «Ashyq» жобасын қолдаған еліміздегі алғашқы жоғары оқу орны.

КАZGUU Университетінің баспасөз қызметі

Пікірлер
Редакция таңдауы