НАТО күштерінің «Теңіз қалқаны — 2021» біріккен жаттығуы өтті. Жаттығуға АҚШ тарапынан екі кеме қатысып, "Қара теңіз Ресейдікі еместігін күшпен дәлелдеді" деп жазды The Washington Times ақпарат көзі.
"Қара теңіздегі біздің әскери жаттығуларымыз НАТО серіктестерін барынша қолдап, теңіздегі қауіпсіздікті сақтайтынымыздың айқын дәлелі", - деді «Монтерей» крейсерінің капитаны Джозеф Баггетт.
WT жазуынша «Теңіз қалқаны— 2021» жаттығуы барысында «Монтерей» крейсері «Томас Хаднер» эсминецімен бірге жаттығуға қатысқан. АҚШ, Албания, Болгария және Хорватия әскерилері теңізде шайқасудың тәсілдерін бірлесе меңгерді.
АҚШ бастаған НАТО елдері соңғы уақытта Қара теңіздегі әскери жаттығулар санын еселеп арттырды. Оған басты себеп Байденнің Шығыс Еуропадағы әскери күшті арттыру бойынша ұсыныстары және Ресейдің агрессиялық саясатына қарсы жауап беру.
Асхат ҚАСЕНҒАЛИ,
"Адырна" ұлттық порталы
