Беларусь президенті Ресей президенті Владимир Путинмен кездескеннен кейін "екі ел қосылуы мүмкін" деген әңгімеге пікір білдірді, деп хабарлайды БелТА сайты.
– Біз егемен елміз. Әлемде түрлі қауесеттер тарап Беларусь Ресейге қосылмақшы деген жаңсақ пікірлер жиілеп кетті. Бұл бағытта жұмыс істеудің өзі ақымақтық болар еді.
Біріншіден, бұл мүлде керек емес. Өйткені егемен ел ретінде біз Ресей Федерациясының жекелеген аумағындағы қарым-қатынастан да берік қарым-қатынас жүйесін құра аламыз, – деген ол Беларусь пен Ресей түрлі бағытта тең дәрежеде дамып келе жатқандықтан жүйе құра алатынына сенімді екенін жеткізді.
