Шымкентте 9 сынып оқушысы жүкті болып қалды

911

Шымкентте 9 сынып оқушысы жүкті болып қалған, деп хабарлайды «Адырна» тілшісі otyrar.kz-ке сілтеме жасап.

Мектеп қабырғасына дәстүрлі форматта білім алуға келген оның аяғы ауыр екенін қатарластары мен психологтар байқаған көрінеді.

Білім басқармасының басшысы Жанат Тәжиева бұл жағдайды растап отыр. Бұл оқиға бойынша қазір тергеу жұмыстары жүріп жатыр екен.

«Бұл мәселені өзіміз жақсы білеміз. Оны білім ұйымы анықтады. Құзырлы органдарға хабарланды. Бүгінгі күні тергеп-тексеру амалдары жүргізілуде»,-деді ол.

Айта кетейік, Шымкентте осы уақытқа дейін 20 мектеп 14 күндік карантинге жабылған. Оның 10-ы қазір қайта қалыпты жұмысына оралған.

«Адырна» ұлттық порталы

Пікірлер
Редакция таңдауы