SpaceX және Tesla негізін қалаушы Илон Маскқа тиесілі Neuralink компаниясы маймыл миына нейроимплантты енгізу тәжірибесін сәтті өткізді, деп хабарлайды «Адырна» тілшісі.
«Ол санасы арқылы бейнеойындар ойнай алады. Алдағы уақытта біз маймылдардың бір-бірімен теннис ойнағанын қалаймыз»,-деді Маск.
Кәсіпкердің айтуынша, чип жануар терісінің астында толығымен жасырылған және оған зиян тигізбейді. Қазіргі таңда маймыл өзін жақсы сезінеді.
Сондай-ақ өнертапқыш чиптеу технологиясын жетілдіру ми мен жұлын жарақаттарын жоюға және жоғалған қабілеттердің орнын толтыруға бағытталғанын атап өтті.
Айта кетейік, Маск бұған дейін адам миына енгізбек болып жүрген чипті шошқаға салып көрген еді.
«Адырна» ұлттық порталы
