Денсаулық сақтау вице-министрлері алғашқылардың бірі болып екпе алады

1350

1 ақпаннан Қазақстанда Covid-19 қарсы Ресей Федерациясында өндірілген "Спутник V» вакцинасын егу науқаны басталады, деп хабарлайды «Адырна» тілшісі Денсаулық сақтау министрлігіне сілтеме жасап.

Екпені алғашқылардың бірі болып Денсаулық сақтау вице-министрі – ҚР Бас мемлекеттік санитарлық дәрігері Ерлан Қиясов пен Денсаулық сақтау вице-министрі Ажар Ғиният алады.

Вакцинация 1 ақпанда сағат 08:30-да Аманат көшесі, 3 мекен-жайында орналасқан №6 қалалық емханада өтеді.

Естеріңізге салайық, Мемлекет Басшысы Қасым-Жомарт Тоқаевтың тапсырмасымен 1 ақпаннан Қазақстанда "Спутник V" екпесімен еркіті вакцинациялау науқаны басталады.

Бұған дейін хабарлағанымыздай, ресейлік Спутник V вакцинасының 20 мың доза көлемінде бірінші партиясы Қазақстанға келді және аймақтарға таратылады.

Вакцинаны тек ҚР кәмелеттік жасқа толған азаматтары ғана ала алады. КВИ-ға қарсы вакцинация 2021 жылдың соңына дейін жалғасады, оған 6 млн адам қатысады деп жоспарлануда.

«Адырна» ұлттық порталы

Пікірлер
Редакция таңдауы