ҚХП еңбекті қорғау мен еңбек жағдайларының жаңа стандарттарын қолдайды

774

2020 жылдың 15 желтоқсанында сағат 10:00-де Степногорск қаласы (Ақмола облысы) Заводской кенті, 126 а/ж мекенжайы бойынша орналасқан «Целингормаш» зауытында ҚХП атынан ҚР Парламенті Мәжілісінің депутаттығына кандидат Олжас Сыздықов кәсіпорынның ұжымымен кездесу өткізді.

Кездесуде Қазақстан Халық партиясының сайлауалды бағдарламасы таныстырылып, оның негізгі бағыттары түсіндірілді. Еңбеккерлердің құқықтарын қорғап, сақтауға, еңбекті қорғау және еңбек жағдайларының жаңа стандарттарын енгізуге ерекше назар аударылуда. Бұл дегеніміз – қауіпсіз әрі салауатты еңбек жағдайларын қамтамасыз ету, өндірістегі тәуекелдерді азайту, адамның денсаулығын сақтау. Мұның бәрң технологиялық процестерді жетілдіру, техникалық жарақтандыру, біліктілік деңгейін арттыру есебінен іске асырылады.

Сайлаушылармен болған диалогта әлеуметке бағдарланған мемлекет құру бағытындағы ҚХП бастамалары айтылды. Онда қарапайым қазақстандықтардың мүддесін қорғауға ерекше назар аударылған. ҚХП ұсынған бастамалардың қатарында медицинаның қолжетімділігі мен сапалылығын қамтамасыз ету, тұрғын үй мәселесін шешу, зейнет жасын төмендету бар. 

Депутаттыққа кандидат О.Сыздықов өндірістік процесті бақылап, еңбек жағдайлары мен қауіпсіздігін, кәсіпорынның техникалық жабдықталуын бағалады. Ұжыммен бейресми жағдайда кездесіп, дидарласты.

– Бұл бір ерекше күн болды. Адамдармен бейресми форматта сөйлесіп, пікірлерін тыңдап, проблемаларын білдім. Сұрақтар да қойылды. Барынша егжей-тегжейлі жауап беруге тырыстым. Өзім де көп сұрақ жолдадым. Еңбекшілердің қалай жұмыс істейтінін көрдім. Естелік суретке де түстік. Негізі мұндай бейресми кездесулердің пайдасы мол. Барлық дүниені тікелей білуге болады, – деді Олжас Сыздықов. 

Шара ҚХП-ның сайлауалды үгіт-насихат науқаны аясында өткізілді. 

Спикер: ҚХП атынан ҚР Парламенті Мәжілісінің депутаттығына кандидат Олжас Тұрғынұлы Сыздықов.

Байланыс телефондары: +77712221268; +77079616239

Пікірлер
Редакция таңдауы