Өрттен қаза тапқан 5 қыздың ата-анасы ұлды болды

3585

Өрттен қаза тапқан 5 қыздың ата-анасы Евгений мен Жанымгүл Ситер ұлды болды. Бұл туралы Тәңірберген Бердоңғаров Facebook парақшасында жазды, деп хабарлайды «Адырна» тілшісі.

«Өрт салдарынан балаларынан айырылып, қайғыға батқан Ситер отбасын сәбилі болуымен құттықтаймын! Жанымгүл аяғы ауыр болған кезде көз тимесін деп бұл туралы ешкімге айтпауымды өтінген еді. Бүгін олардың шаңырағында қуанышты жаңалық! Өмірге ұл келді!», – деп жазды ол.

Бейресми деректерге сүйенсек, ерлі-зайыптылар нәрестеге Жан деген есім берген.

Еске сала кетейік, 2019 жылдың ақпан айында өрт салдарынан бір үйдің 5 баласы көз жұмған болатын.

«Адырна» ұлттық порталы

Пікірлер
Редакция таңдауы