«Junior Eurovision-2020» халықаралық ән байқауында Қазақстан намысын қорғаған Қарақат Башанова екінші орын алды. Жас әнші «Forever» деп аталатын әнді шырқады, деп хабарлайды «Адырна» тілшісі.
Коронавирус індетінің таралуына байланысты музыкалық шара онлайн форматта жүргізілді. Бірінші орын Францияның атынан қатысқан Валентина есімді өнерпазға бұйырды.
Айта кетейік, Қазақстан «Junior Eurovision» байқауына үшінші рет қатысып отыр. 2018 жылы Данэлия Төлешова «Өзіңе сен» әнімен алтыншы орынға ие болса, өткен жылы отандасымыз Ержан Максим 2-орынды қанжығасына байлаған еді.
«Адырна» ұлттық порталы
