Байденнің инаугурациясы қашан және қалай өтеді?

978

Джо Байденді ұлықтау рәсімі коронавирусқа байланысты әдеттегідей кең көлемде өтпейді, деп мәлімдеді жексенбіде саясаткердің штаб басшысы Рон Кейн.

«Менің ойымша, біз бұл рәсімді бұрынғыдай өткізбеуіміз керек. Бұл мәселе бойынша өкілдер палатасы мен сенат басшылығымен ақылдастық. Осы жолғы инаугурацияның бұрынғыдай болмайтыны анық», - деді ол ABC телеарнасында.

Оның айтуынша, іс-шара, бір жағынан, сән-салтанатпен өтуі де керек,  екінші жағынан, коронавирустың таралуына жол берілмеуі тиіс.

«Бұл біздің мақсатымыз», - деп қосты Клейн.

Ол жоспарланған рәсімнің қалай өтетіндігін егжей-тегжейлі айтпады.

Ұлықтау рәсімі дәстүр бойынша 20 қаңтарда өтеді.

Фото ашық дереккөзден алынды

«Адырна» ұлттық порталы

Пікірлер
Редакция таңдауы