«Қазгидромет» РМК 31 қазан күні еліміздің бірнеше қаласында қалыптасатын метеорологиялық ахуал туралы айтты, деп хабарлайды «Адырна» ұлттық порталы ҚазАқпарат-қа сілтеме жасап.
Синоптиктердің мәліметінше, бүгін Шымкент және Нұр-Сұлтан қалаларында, сондай-ақ Қарағанды облысының Балқаш қаласында атмосфералық ауаның қолайсыз метеорологиялық жағдайы күтіледі. Өзге шаһарларда ауа сапасы норма шегінде болады. Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
Фото ашық дереккөзден алынды
«Адырна» ұлттық порталы
