«Шымкент 2020-ТМД-ның мәдени астанасы» жылы аясында 2020 жылдың 15-31 қазан аралығында ТМД-ға мүше мемлекеттер арасында опера орындаушыларының «Достастықтың опера жұлдыздары» атты онлайн фестивалі өтеді.
Фестиваль - ТМД елдері арасында мәдени ынтымақтастық ауқымын кеңейтіп, жаңа шығармашылық байланыстар орнату, классикалық музыканың биік шыңы саналатын опера өнерін әлеуметтік желі тыңдаушылары арасында насихаттау, жастар арасында классикалық музыканы кеңінен таныту, қазақтың ұлы ақыны Абай Құнанбайұлының 175 жылдық мерейтойына орай әндерін кеңінен тарату мақсатында өтілмек.
Шымкент қалалық опера және балет театрының ұйымдастыруымен қолға алынған фестивальге ТМД елдерінен және Қазақстандық кез-келген опера орындаушылары онлайн форматта өз бейне түсірілімдерін жолдау арқылы қатыса алады.
Шымкент қаласы әкімінің баспасөз қызметі
