Армяндар Таулы Қарабақтан кетіп жатыр

4185

Әскери қақтығыстар басталған сәттен бастап мыңдаған Таулы Қарабақ тұрғындары Арменияға қоныс аударуда. Босқындар легі Армения мен Таулы Қарабақ шекарасындағы Горис қаласына ағылуда деп хабарлайды «Адырна» ұлттық порталы newsroom.kz сайтына сілтеме жасап.

«Қарабақтан келген босқындар Горис қаласының әкімшілігіне келеді, артынша оларды Армениядағы туыстары алып кетеді немесе жергілікті қонақ үйге тұрақтайды» деп хабарлайды Ресейлік ВВС арнасы.

Горис қаласында Ливан мен АҚШ-тан келген ұлты армян байкерлер босқындарға көмектесуде. Олар бұл аймаққа қақтығыс басталмай тұрып келген, ал соғыс қимылдары басталған соң, кері қайтуға мүмкіндік болмаған. Горис қаласының маңындағы Веришен ауылындағы 170 босқынға азық-түлік пен киім сатып алуға көмектесуде. Байкерлер Гористе босқындар өте көп екенін мәлімдеді. Горис қаласындағы Yeghevnut қонақ үйінде бар-жоғы 78 адамға орын бар, алайда босқындардың көптігінен қазір онда 127 адам орналастырылған. Бұған дейін Жапония және Еуропа туристерін қабылдап келген қонақ үйге бүгінде Қарабақтан қоныс аударған армяндар тұрақтаған. Қалада 1200-1500 босқын бар.

Фото ашық дереккөзден алынды.

Пікірлер
Редакция таңдауы