Коронавирустың екінші толқынын болдырмауға болады, қазір дәрігерлер бұл үшін барлық қажетті құрал-жабдықтарға ие. Бұл туралы Дүниежүзілік денсаулық сақтау ұйымының Стратегиялық бастамалар жөніндегі көмекшісі Раньери Гуэрра Corriere della Sera газетіне берген сұхбатында айтты, деп хабарлайды bairaq.kz.
Оның айтуынша, қазіргі уақытта Италияда вирус жұқтырғандардың саны өсуде, бірақ бұл диагностиканың жақсаруымен байланысты. Бұл дегеніміз, ауыр науқастардың санын бақылауға болады. «Біз мұны өкінішке орай, ауыр жағдайдан кейін жасап үйрендік», - деді маман.
Пациенттердің үштен бірі симптомсыз түрде ауыратыны үміт бере ме деген сұраққа сарапшы «жоқ» деп жауап берді. «Біз бүгін тіпті өте жеңіл түрдегі ауырған науқас денсаулығына зиян тимейтініне сенімді емеспіз. Коронавирусты мүлде жұқтырмаған дұрыс», - деді Гуэрра.
Ұлыбританияда, Германияда және басқа да Еуропа елдерінде COVID-19 статистикасы айтарлықтай өскен.
«Адырна» ұлттық порталы
