Лукашенконы қызметінен кетуге шақырды

5269
Adyrna.kz Telegram

АҚШ Сенатының Халықаралық істер жөніндегі комитетінің басшысы Джим Риш Беларусь Президенті Александр Лукашенконыңқайта сайлануы демократиялық жолмен болмаған болса, өз еркімен қызметінен кетуге шақырды деп хабарлайды,  «РИА жаңалықтар»агенттігі.

"Лукашенко мырза кешегі дауыс беру нәтижелерін шынайы есептеуге мүмкіндік беруі керек және ол демократиялық жолмен қайта сайланбаған болса, өз еркімен қызметінен кетуі тиіс. Сондай-ақ, ол Беларуссия үшін өзге жол іздейтіндерге қарсы бұқаралық ақпарат құралдарын жаншуды, интернетті өшіруді, қамауға алуды және зорлық-зомбылықты дереу тоқтатуы қажет. Биліктің бейбіт жолмен берілуі Беларуссияның болашағы мен оның егемендігі үшін өте маңызды", - делінген Ришаның жазбаша мәлімдемесінде.

  Жексенбі күні Беларусь президентінің сайлауы өтті. ОСК мәліметтері бойынша, Лукашенко 80,08%, екінші орында Светлана Тихоновская 10,09% дауыс жинаған. Сонымен бірге, Светлана Тихановскаяның штаб-пәтері ОСК нәтижелерін мойындамайтындықтарын хабарлады. Республиканың барлық аймақтарындағы сайлау учаскелеріндегі мәліметтер оның 70-80% жинағанын көрсетті.


«Адырна» ұлттық порталы

Пікірлер