Маусым айында пневмониядан 628 адам қайтыс болған

2928
Adyrna.kz Telegram

Пневмония ауруларының саны 2020 жылдың маусымында өткен жылмен салыстырғанда төрт есеге өскен. Орталық коммуникациялар брифингінде  еліміздің бас санитар дәрігері Айжан Есмағамбетова осындай мәлімет таратты.

"2019 жылдың алты айында пневмониядан болатын өлім-жітім саны 1780 болса, 2020 жылдың алты айында - 1772. Биылғы жылдың маусым айында ғана  пневмониядан болатын өлім-жітім 628-ге жетті. Егер пневмония аурушаңдығы туралы айтатын болсақ, биыл өткен жылдың алты айымен салыстырғанда 55 пайызға өсті, маусым айында өсім төрт есеге өсті", - деді ол.

Оның айтуынша, пневмония жағдайларының өсуіне байланысты Денсаулық сақтау министрлігі мұның себебін анықтау мақсатында зерттеу жүргізіп жатыр.

"Адырна" ұлттық порталы

Пікірлер