Қазақ күресінен "Әлем барысы" турнирінің екі дүркін, әлем біріншілігінің үш дүркін, халық қошеметіне ие болған "Қазақстан барысы" турнирінің екі дүркін, Азияның бірнеше дүркін жеңімпазы Айбек Нұғымаров коронавирус инфекциясын жұқтырған. Бұл туралы Семей қалалық әкімдігі хабарлады.
Бүгін Семейде COVID 19 диагнозымен аурухананың жұқпалы аурулар бөлімінде Семей колледжінің бірден екі директоры түскені белгілі болды, олардың бірі - Семей көлік колледжінің директоры, қазақша күрестен үш дүркін әлем чемпионы және "Әлем Барысы" турнирінің екі дүркін жеңімпазы Айбек Нұғымаров, деп жазды қала әкімі инстаграм парақшасында.
Covid-19 инфекциясына шалдыққанның екіншісі - Электротехникалық колледждің директоры Азат Сарпеков.
Елімізде соңғы күндері аты жаман ауруды елге белгілі тұлғалардың жұқтыруы байқалады.
"Адырна" ұлттық порталы
