Алматы. - Алматыдағы медицина қызметкерлері коронавируспен күресу үшін үстемеақы алғандығы туралы бейнежазба жасауға мәжбүр болды, деп хабарлайды "Адырна" ҚазТАГ-ке сілтеме жасап. ІІМ-нің қалалық денсаулық сақтау саласында жұмыс істейтін ақпарат көзі осындай ақпарат жеткізіпті.
«Біздің аурухананың кейбір қызметкерлеріне олар коронавируспен күресу үшін қосымша ақы алғанын мәлімдей отырып,видео ролик жасатуға мәжбүрлеп отыр, ал олар қаржыны тиісті барлық адамдарға төлемеген, тіпті жартысына да. Ең сорақысы, олар енді бұл ақшаны мамырдан бастап демалыстың есебінен ұстап қалмақ. Ең өкініштісі, олардың барлығына бірдей және толық көлемде төлемеген, барлығы өтірік, жазасыздық және ұрлық », - деді медицина қызметкері сәрсенбіде агенттікке.
Редактордың ескертуі: Агенттіктің сұхбаттасушысы - коронавирусты емдейтін Алматыдағы медициналық мекеменің медицина қызметкері. Дереккөздің жеке басын тек заңда көрсетілген негізде ғана ашуға болады. Денсаулық сақтау министрлігінің немесе кез-келген басқа атқарушы органның талабы жарамайды.
Айта кету керек, 14 сәуірде Денсаулық сақтау министрі Елжан Біртанов өзінің Facebook-тегі парақшасында Қазақстандағы медицина қызметкерлеріне ұзақ үндеу жариялады.
«Сіздер адамдарды атақ үшін, ақша үшін емдемейсіздер, өйткені жұмыстарыңыз осындай. Басқалай болу мүмкін емес! Мен сіздерді мақтан тұтамын! » деген болатын Біртанов.
Бірақ министр мырза Қазақстанның көптеген аймақтарындағы медицина қызметкерлері неге жеке қорғану құралдарынсыз, адам емдеуге мүмкін емес жағдайда жұмыс істейтінін, неге олардың көпшілігі уәде етілген қосымша ақыларды алмағанын түсіндірмеді. Осындай қиын-қыстау кезеңде Денсаулық сақтау министрлігіне шұғыл түрде 2,5 миллион доллар және салауатты өмір салтын насихаттауға 65 миллион тең астам қаражат жұмсау қажет болды.
Сурет ҚазТАГ-тан алынды. Қарағандылық дәрігерлердің жәрдемақы туралы видеосынан.
